عصام كاريكا عن كواليس أغنية محمد سعد “ياللي نسيت الغرام”
عصام كاريكا عن كواليس أغنية محمد سعد “ياللي نسيت الغرام”
كتب:احمد السيد
نشر الفنان “عصام كاريكا” ، أمس ،مقطع فيديو عبر صفحته الشخصية
على موقع الفيديوهات القصيرة “تيك توك” يكشف فيه لأول مرة عن كواليس
أغنية “ياللي نسيت الغرام” للفنان “محمد سعد” في فيلم بوحة .
يحكي “عصام” قائلا: “أول ما عرفت إنك عايزني جيت أوام”، كانت في بداية الأمر لمطربة من المنصورة،
وبعد سماعها الأغنية أعجب بها كثيرًا ودفع عربونها، لكنه تفاجأ بعد يومين بمهاتفة خطيبها
وإخباره أن المطربة لن تستمر في مشوار الغناء، مطالبًا باسترداد العربون، فوافق كاريكا”.
وتابع: “في الوقت ده كنت بعمل مسرحية شبورة ومحمد سعد بيعمل مشهد بصوت أطاطا
وسمع الأغنية في الاستوديو وقالي حلوة، وفي الوقت ده عملت لمحمد سعد كمان أغاني فيلم 55 إسعاف
وفيلم اللمبي وفيلم اللي بالي بالك، ولما جينا نعمل فيلم بوحة شرحلي المشهد،
وطلب مني الأغنية اللي سمعها لما كان عندي في الاستوديو وقت مسرحية شبورة،
وطلب كمان يتكتب موال في البداية”.
وأضاف “فكتب الشاعر الراحل سمير زكي موال “ياللي نسيت الغرام.. ارجع هنا وقولي”،
وبعدها كلمتني مي عز الدين وقالتلي إن اسمها كوتة في الفيلم وطلبت نضيف اسمها في الأغنية،
ولكن واحنا في الاستوديو اختلفنا، وده اللي ضايقني وزعلني، الأغنية فيها قافية وكان عايز يشيل
جملة تحت السلم بنام وقالي محمد سعد مش عجباني وعايز كلمة سجادة بين إيديك، ولو اتغيرت
يبقى لازم هنغير القافية، فكلمت المنتج وائل عبد الله، وقالي معلش عشان خاطري مشيهالي ،
ووائل بعتبره أخ وصديق، وكنت قاعد في الاستوديو قلبي بيتقطع، رغم إني كنت ناجح
وقتها وعملت شكل كتير مع نجوم كبار الوقت ده، ولكن جيت على نفسي، ومشيتها سجادة بين إيديك،
ونجحت الأغنية نجاح غير طبيعي لما غناها من فترة كورال روح الشرق”.
اقرأ أيضا: الفنانة يسرا تعلق على تصريحات المنتج جمال العدل