جريدة الجمهورية اليوم
جريدة - شبابية - مستقلة

حوار خاص مع الأولي علي الثانوية العامة لمحافظة الجيزة لجريدة الجمهورية اليوم

2٬806

 

كتبت /  اسراء على 

 

 

س _ ممكن أعرف اسم حضرتك و المدرسة اللي درستي فيها ومجموعك في الثانوية العامة لهذه السنة ؟

ج _ أنا الطالبة إنجي أشرف فتحي ، طالبة بمدرسة الأورمان الإعدادية الثانوية بنات ، إدارة العجوزة من محافظة الجيزة ، الحمدلله مجموعي ٤٠٨.٥ بنسبة ٩٩.٦٣% ، والحمدلله فرحة كبيرة .

س _ صفي شعورك لما عرفتي أن أنتي من أوائل الثانوية العامة ، أوصفيلي شعورك ، وتلقيتي الصدمة دي أزاي ؟

ج _ الحقيقة أحنا كلنا كنا متوترين جدا قبل النتيجة لظهورها علي الموقع بعد قليل بعد قليل ، مش عارفين الموقع معلق وكلنا متوترين ، بس أول ما جبت النتيجة كانت الفرحة كبيرة وكلنا كنا مبسوطين جدا ، الناس بتتصل تبارك من ال نعرفهم أو لا والشارع كله مبسوط ، والحمدلله فرحت أهلي ورفعت رأسهم .

س _ كنتي متوقعة مجموعك بنسبة ٩٩.٦٣ % أعلي من كدا ولا أقل ؟

ج _ كنت متوقعة كدا لأني كنت براجع من نمادج الإجابة بعد الإمتحان وأشوف أنا عملت إيه ، الحمدلله بلاقي الإجابة نفسها والحمدلله متظلمتش في حاجة ، وحتي قولت لما ما كدا بأني هجيب ٩٩.٦٣ % الحمدلله ربنا مخذلنيش .

س _ هل الجانب الديني كان ليه تأثير عليكي في الثانوية العامة زي الصلاة والصوم ؟

ج _ طبعا مكنتش بفوت صلاة ودايما ربنا كان بيقف جمبي ، يقويني ويسندني ، لأن كتير بقينا نحس بالضعف ، خلاص الواحد طاقته خلصت بالكلام اللي بنقوله ده ، دايما نشحن طاقتنا بالصلاة نقرأ قرأن ، وبنرجع أقوي بكتير .

س _ أسمحيلي أسئلك كنتي مرعوبة من الثانوية العامة وكانت بتمثل عبء كبير من الجانب النفسي والمعنوي ؟

ج _ هو الحقيقي بنسمع لفظ الثانوية العامة بنخاف أوي وأتحطينا فيها مكنش في رعب نهائي في الفترة الأولي ، بنروح دروسنا ونرجع نذاكر عادي ، بنعمل زي ما بنعمل في كل سنة ، بس أنا كنت متعودة برجع أذكر دروسي أول بأول الرعب الحقيقي كان موجود في شهر خمسة وأخر شهر أربعة الوقت بيجري مننا ، لازم نراجع ونحل كتير عشان الأسئلة مختلفة وكتب كتير جدا ، بحاول أجمع وأشوف كل الأفكار والرعب طبعا بإن كل الناس قاعدين برا ومبسوطين برمضان وإحنا قاعدين نذاكر ، بس الحمدلله ربنا وفقنا في الأخر .

س _هل لإنجي صف من صفوف الأوائل في مراحل تعليمية مختلفة ؟

ج _ أه الحمدلله كنت من الأوائل في ٣ إعدادي ، كنت جايبة ٢٩٩.٥ من ٣٠٠ ، كنت الترم الأول ١٥٠ من ١٥٠ ، أولي وثانية ثانوي كنت بطلع من الأوائل علي المدرسة ، الحمدلله الفكرة أن أنا بعمل اللي عليا وبستني ربنا يكفني فالأخر دائما ، بس الواحد مش مميز في حاجة علي قد ما بيحاول يرضي ربنا .

س _ كنتي من الناس ال بتذكر ٢٤ ساعة ولا كان في فترات معينة بتحب تجذبك فيها ؟

ج_ الحمدلله أنا من الناس ال بتحب المذكرة ، مش بذكر غصب عني عشان ضغط الثانوية لا أنا كنت بذاكر عشان أوصل بال أنا بعمله ده ، كنت بصحي بدري الصبح أصلي الأول ، أبدا مذكرتي ال محتاجة فهم الأول ، لأن قبل الدوشة والناس ما تصحي ، أذاكر الحاجة اللي محتاجة فهم وبعدين المواد اللي محتاجة حفظ زي الأحياء و الجيولوجيا كنا طول السنة بحفظ فيهم ، بفصل من المذكرة أروح أصلي أغسل وشي أكل حاجة وأرجع ، مكنتش بفصل كتير أوي عشان مبحبش أنفصل عن المذكرة بفصل بحس أني نسيت حاجات ببقا عاوزة أراجع عليها تاني ،و أنا دايما عندي وسواس كدا مكنتش بحب أفصل عشان كدا بس الحمدلله .

س _ بتحبي تحطي نفسك في ضغط للمذكرة ؟

ج_ أنا حاطة نفسي في ضغط مش غصب عليا لا ، بس أنا ال حاطة نفسي فيه .

س _ قضيتي ١١ شهر ولا ١٢ شهر في الدروس بس ولا كان في وسائل ترفيه كالخروج ؟

ج _هو أكيد مكنش في حد بيخرج كتير في الثانوية العامة، بس بابا دايما بيقولي أطلعي من مود المذكرة ، أخرجي أفصلي هو كان خايف عليا من قاعدة المذكرة وضهري وكدا ، طبعا دائما بنأكل من الشارع بسبب الدروس ، بابا كان بيقولي نخرج عشان أفصل بس أنا كنت بحب أعمل ال عليا وأرضي ضميري وربنا ، وبس الحمدلله ربنا كرمني في الآخر و كلامي جه صح .

س_ أي رأيك في أمتحانات الثانوية العامة ؟

ج_ الإمتحانات بصراحة حرفيا كانت جميلة ، خايفة من الإمتحانات حاسة أن الإمتحانات دي تعجزية ، بس لما دخلت لقيتها عادية ، دائما بنحلها ومتعودين عليها مع المدرسين بتوعنا والإمتحانات الشاملة دائما ممتازة بنتعود علي الإمتحانات ، وبنحل بشكل طبيعي .

س _ كانت الإمتحانات مطبقة لنماذج الوزارة ؟

ج _ نماذج الوزارة حقيقي كانت ممتازة أسئلة كتير جدا موجودة بالملي بنفس الصيغة بذات الكمياء والفيزياء ، أسئلة الكمياء محطوطة بالملي بنفس صيغة الأسئلة المقالية ، والحمدلله .

س _ هل لأهلك بصفة خاصة جانب من الضغط أو التشجيع ؟

ج _ هو طبعا من جانب التشجيع مكنش في ضغط ، بابا كان بيقولي أنتي عملتي ال عليكي أنا فرحان بيكي مهما عملتي ومهما جبتي ، ماما دايما بتشجعني كانت الوحيدة اللي واقفة جمبي في فترة الإمتحانات بتعملي قهوتي الصبح مكنتش بتخليني أسيب مذكرتي ، بابا كان بيجبلي دايما جورنال عشان أحله أول ما أصحي وأخلصه قبل ما أنام ، ماما كانت بتجبلي مراجعة المستشار من علي النت ، وبجد ليهم الفضل في كل حاجة .

س _ تنصحي بأيه لغيرك من الطلبة الجدد بالثانوية العامة ؟

ج _أنصحهم بأنهم يأخدوها جد ويغيرو من فكرة أنها صعبة أوي زي ما هما متخيلين ، حتي أمتحانات السنة اللي فاتت مكنتش زي ما الناس بتقول أنها صعبة ، بس الطالب يعرف يكتب الإجابة النموذجية لكتاب الوزارة ، أنصحهم أنهم يذكروا من كتاب المدرسة عشان ميضيعوش تعبهم علي الفاضي ، يحسنوا علاقتهم بربنا ويبعدوا عن النت و الموبايل أنا كنت قافلة الموبيل طول السنة ، أنهم يبعدو عن المشاكل العائليه ويسنوها ، يركزو في هدفهم ؛ أنت ال بتذكر ، وأنت ال هتمتحن وأنت ال هتفرح فى الاخر

 

 

تعليقات
Loading...